(૬) મને પસંદ નથી

આમાં એક નવ-પરિણીત યુગલની વાત છે, કે જેમાં એક પ્રેમી પોતાની પ્રેમિકાને પોતાના દિલની વાત વ્યક્ત કરી રહ્યો છે.
------------------------------------------------

પેટાવી દે દીપક, અંધકાર દૂર કરી દે;
તિમિર મને પસંદ નથી, ઉજાસ તું કરી દે.

ઉઠાવી દે ઘૂંઘટ, મુખડું તારું બતાવી દે;
અમાસ મને પસંદ નથી, પૂનમ તું બતાવી દે.

હટાવી દે ઝુલ્ફો, નયનો તારા બતાવી દે;
રાત્રિ મને પસંદ નથી, સવાર તું બતાવી દે.

હઠ તું છોડી દે, મદભર્યા 'અધર' દેખાડી દે;
લજ્જા મને પસંદ નથી, મુખ સહજ મલકાવી દે.

પહેરીલે પાયલ, ઝણકાર સુણાવી દે;
બહેરાશ મને પસંદ નથી, મધુર ગીત સંભળાવી દે.

બનાવી લે સાજન, દિલ તારું મને આપી દે;
આળસ મને પસંદ નથી, પાનેતર સ્વીકારી લે.

ઓઢીલે સાડલો, મારી ચૂડલી સ્વીકારી લે.
સવાલ મને પસંદ નથી, ઘર મારું વસાવી દે.

- કમલ અંબાલિયા-