એને ગમે કે ન ગમે આજે તો શરૂઆત થઇ ગઈ.
આંખો મળી ગઈ મારી ને, દિલ ને હાશ થઇ ગઈ.
એના નયન કમળોમાં નિહાળી રહ્યો તો ખુદ ને હું.
એ પૂછે કે ના પૂછે, આજે આંખોથી વાત થઇ ગઈ.
ટગર-ટગર જોઈ રહ્યોતો એના મદમસ્ત યૌવનને,
સ્મિત આછું છલકાયું જ્યાં, મનને નિરાંત થઇ ગઈ.
જાણવાને હતો આતુર કેવો, શું રાખ્યા હશે નામ?
જાણી ના શક્યો બેબસ, કેવી કરામત થઇ ગઈ.
ખબર ના રહી ક્યારે છલકાવી ગઈ નજરો ના જામ,
જ્યાં-ત્યાં ચારેકોર બસ એની જ ચર્ચા થઇ ગઈ.
મારા વ્યાકુળ દિલ ને કેમ કરી ને સમજાવું,
રુદિયાની મારી ધડકનો શાને અશાંત થઇ ગઈ.
મારી આંખોની ભાષા જાણે એ સમજી ગઈ,
મારા નવા-નવા પ્રેમની આજે રજૂઆત થઇ ગઈ.
-કમલ અંબાલિયા-
No comments:
Post a Comment