(૯) તારા થકી

રોવાની દશામાં કોઈકે મને હસાવ્યો છે,
એ તારો જ પ્રેમ છે કે જેણે મને જીવાડ્યો છે.

કેટ-કેટલાયે લોકોએ ઘેલો કહી સતાવ્યો છે,
એક તારા જ દિલે છેલો કહીને બોલાવ્યો છે.

ખોવાની દ્રષ્ટિએ તો ઘણું બધું પામ્યો છે,
આ 'કમલ' દીવાનો બસ તને જ ચાહ્યો છે.

દુનિયાએ તો એની મીઠી વાતોમાં ફસાવ્યો છે,
મારી 'સખી'એ મને ત્યાંથી પણ બચાવ્યો છે.

દોસ્તોએ નાવ મોકલીને મને ડુબાડ્યો છે,
તારા હૈયારૂપી પાંદડે મને તરાવ્યો છે.

એક એવો રોગ કે જે દરેક વૈદે તપાસ્યો છે,
એ તારી જ માયા છે જે દવા વગર મટાડયો છે.

મહોબ્બતનો રસ્તો કે જે સૃષ્ટિએ ભુલાવ્યો છે,
તારી જ લાગણીએ જિંદગી જીવતા શીખવાડ્યો છે.

-કમલ અંબાલિયા-